Podolski gati për debutim në derbi

Lukas Podolski pritet të debutojë për Interin në ndeshjen e nesërme kundër Juventusit, që do të luhet në qytetin e Torinos.

Sulmuesi gjerman i cili ka qenë i pranishëm në stërvitjen e sotme të nerrazzurëve, ka marrë sot edhe fletlëshimin nga skuadra e Arsenalit, megjithëse transferimi i tij ishte realizuar të premtën që e lëmë pas.

“Lukas Podolski ka kompletuar kalimin e tij në Inter në formë të huazimit deri në fund të stinorit 2014/15,” thuhet në njoftimin e skuadrës së Arsenalit.

Interi më parë kishte konfirmuar se Podolski do të jetë pjesë e skuadrës që do të udhëtojë në Torino për derbin e njohur si ‘Derby d’Italia’.

Podolski në Inter do ta veshë fanellën me numër 11.