KOSOVA(P)-VLLAZNIA
Portieri Bajrami i sjell fitoren Vllaznisë në Prishtinë
7 May, 2017 @19:46
Në minutën e fundit të ndeshjes në Prishtinë, portieri i Vllaznisë së Pozharanit, Jasir Bajrami, ka shutuar nga porta e tij për të shënuar gol në portën kundërshtare për fitoren e madhe të ekipit që shton shpresat për Superligë stinorin tjetër.
Bajrami ka shënuar nga porta në portë, ndërsa Vllaznia ka fituar 1-2 ndaj Kosovës së Prishtinës, pasi që më parë ndeshja ishte 1-1, derisa Lirian Ferati kishte shënuar për ekipin nga Pozharani.
Vllaznia tash ka 46 pikë dhe gjendet në pozitën e tretë pas 25 xhirove. Në anën tjetër, Kosova e Prishtinës me këtë humbje rrezikon barazhin për rënie nga Liga e Parë.
