ARSENAL - UNITED
Xhaka shënon, Wengeri mposht Josen
7 May, 2017 @19:24
Pas 13 viteve me plot duele mes tyre, Arsene Wenger më në fund e ka mposhtur Jose Mourinhon.
Takimi i zhvilluar sot mes Arsenalit e Manchester Unitedit u mbyll me fitoren e vendasve me rezultat 2-0, në një takim ku United i kishte pushuar mbi 4 lojtarë të formacionit bazë, kur dihet që prioritet i skuadrës nga ‘Old Trafford’ është Europa League, pasi që gjasat për një vend në top4 janë zvogëluar dukshëm pas shumë barazimeve në shtëpi këtë sezon.
Rol në këtë fitore të Arsenalit pati Granit Xhaka, i cili e shënoi golin e epërsisë nga distanca, gol ky që pati edhe një devijim të dukshëm nga Herrera. Për 2-0 shënoi Danny Welbeck dhe gola të tjerë nuk pamë.
Me këtë fitore, Arsenali e ndal serinë e 25 ndeshjeve pa humbje të Unitedit në Premier League.
Granit Xhaka Goal HD Arsenal 1-0 Manchester… par sportvideostv
