Prenga përsëri shënues, Grezda me dy asistime

Qendërmbrojtësi shqiptar, Herdi Prenga, pavarësisht pozitës së tij të papërshtatshme për të shënuar, ka arritur ta tund rrjetën e portës edhe në ndeshjen e tij të dytë në Europa League.

Prenga kësaj radhe ka shënuar nga penalltia, golin e dytë të skuadrës së tij, Lokomotiva Zagreb, e cila e mposhti skuadrën nga Andorra, Santa Coloma, në kuadër të rrethit të parë kualifikues në Europa League.

Mbrojtësi i shpresave kuqezi kishte shënuar skuadrës së njëjtë edhe në ndeshjen e parë.

Në këtë ndeshje, së bashku me Prengën u paraqitën edhe mesfushorët Endri Çekiçi dhe Eros Grezda, që të tre titullarë, derisa ky i fundit kontribuoi edhe me dy asistime për fitoren e thellë të Lokomotivës.

Lokomotiva, pas këtij rezultati, është kualifikuar në rrethin e dytë në Europa League.