Princi parisien

Sulmuesi suedez i Paris St Germainit, Zlatan Ibrahimovic, ka shënuar hat-trick sot për ekipin e tij për t’ia dhënë fitoren, ngritur epërsinë në krye të tabelës ndaj kundërshtarëve si dhe për t’i dhënë shpresa vendit të vetë për kualifikim në Kampionat Botëror Brazili 2014. 

Paris St Germain ka qenë më i mirë se kundërshtari Nice dhe nuk e ka pasur problem aspak të shënojë fitoren e merituar sot, derisa edhe kundërshtari nuk provonte më shumë për të rrezikuar portën e Salvatore Sirigusë. 

Barazimi i djeshëm i Monacos, që i la ata prapa parisienëve, i konvenoi mjaft këtyre të fundit që nuk e çuan huq rastin. Ibra ka shënuar golin e tetë të stinorit në Ligue 1. 

Në anën tjetër, hat-tricku i Ibrës sot është konsideruar si një kundërpërgjigje për Cristiano Ronaldon e Real Madridit, pasi që edhe ai shënoi hat-trick ndaj Sociedadit. E kjo pasi që këta dy superyje do të ndeshen javën tjetër me kombëtare për të përcaktuar se cili prej tyre do ta merr biletën për Kampionat Botëror, e cili do ta shikojë nga televizioni. Suedia dhe Portugalia do të ndeshen në barazh të Eurozonës, ndërsa nga shumëkush kjo ndeshje parashiet si duel i Ibrës me Cristianon. 

Rezultatet dhe tabela aktuale.