Prishtina mposht kampionin, rikthehet në krye

Me fitoren e kryeqytetasve është mbyllur dueli mes dy trajnerëve nga Shqipëria në Superligë.

Skuadra e Mirel Josës është treguar më e mirë se ajo e Gugash Maganit, duke e fituar takimin derbi të javës me rezultat 2-0.

Golin e epërsisë për prishtinasit e shënoi Gauthier Mankenda pas asistimit nga Drashko Bozhoviç pak minuta para fundit të pjesës së parë, ndërsa ishte pikërisht Bozhoviç ai që shënoi për 2-0 në minutën e 57’, për t’ia dhënë skuadrës së tij golin e sigurisë dhe fitoren e 11 sezonale.

20 minuta para fundit, Memini i mysafirëve u përjashtua nga loja pas 2 kartonëve të verdhë, mirëpo kjo nuk luajti rol në epilogun final të duelit.

TABELA AKTUALE SUPERLIGA

Fitorja e shënuar sot e kthen në krye të klasifikimit skuadrën e Prishtinës, me Dritën që lëshoi pikë dje, ndërsa lajm i mirë për Prishtinën është edhe humbja e sotme e Llapit nga Flamurtari. Në anën tjetër, kjo humbje bën që Trepça ‘89 të jetë tashmë 6 pikë larg kreut të klasifikimit.