Prishtina s’mposhtet në Gjilan

Derbi i cili arsyetoi epitetin e tij me një lojë shumë të mirë dhe me aksione të rrjedhshme dhe raste nga të dyja palët përfundoi me barazim 1-1. 

Një gol nga gjilanasit në pjesën e parë dhe një nga mysafirët nga kryeqyteti në pjesë të dytë përcaktuan rezultatin final të ndeshjes. 

Drita kaloi e para pra në epërsi kur Leutrim Pajaziti shënoi për gjilanasit, ndërsa për të bërë edhe më të vështirë lojën për Prishtinën u përkujdes  Miftari i cili u ndëshkua me karton të kuq në fund të pjesës së parë. 

Por kjo nuk ndali ekipin e Afrim Tovërlanit që të kërkojë golin në pjesën e dytë, të cilin edhe e arriti me anë të Kelmendit që shënoi në minutën e 75-të të takimit për të barazuar rezultatin. 

Më parë, vlen të theksohet rasti i Isuf Llumnicës i cili dështoi që të shënojë nga 4-5 metra para portës së Artan Latifit të Dritës. 

Me këtë rezultat, Drita edhe pas pesë xhirove mbetet skuadër e pamposhtur me një fitore dhe katër barazime, derisa Prishtina ka regjistruar barazimin e parë në kampionat pas dy fitoreve dhe po aq humbjeve.

Rezultatet dhe tabela.