Qipro nuk mposhtet si vendas

Se grupi ku bën pjesë Shqipëria është tejet interesant e ka vërtetuar sot edhe barazimi i liderit, Zvicrës, me Qipron, i zhvilluar në Nikozi të ishullit të Mesdheut. 

Qiproja e cila më parë ka fituar ndaj Islandës si vendas ka treguar se është ekip krejt tjetër në vend të vetë, duke mos i iu dorëzuar sulmeve zvicerane. 

Prej pesëshes shqiptare të Zvicrës, vetëm Xherdan Shaqiri dhe Valon Behrami ishin startues, ndërsa Granit Xhaka u fut në pjesën e dytë të ndeshjes. 

Sulmuesi Admir Mehmedi dhe mesfushori Blerim Xhemajli nuk u inkuadruan fare në lojë nga trajneri gjerman i Zvicrës, Ottmar Hitzfeld. 

Me këtë pikë, Qiproja ka ngritur kuotën në katër, derisa Zvicra në 11. Zvicra vazhdon të udhëheq Grupin E me dy pikë më shumë se Shqipëria që gjindet në vendin e dytë dhe Islanda që është e treta. 

Ndeshjet e radhës në Grupin E luhen në qershor ku takohen Shqipëria - Norvegjia, Islanda - Sllovenia dhe Zvicra - Qiproja. 

REZULTATI:

Qipro - Zvicra

0-0

NDESHJET E RADHËS:

1	Shqipëia - Norvegjia	7 qershor
2	Islanda - Sllovenia	7 qershor
3	Zvicra - Qipro	8 qershor

TABELA AKTUALE:

1	Zvicra	11 pikë
2	Shqipëria	9 pikë
3	Islanda	9 pikë
4	Norvegjia	7 pikë
5	Qipro	4 pikë
6	Sllovenia	3 pikë