QPR ia nis vitit me 3 pikë

Durim, durim dhe durim. Kjo ka qenë motoja e trajnerit të QPR-së, Harry Redknapp, për mposhtjen e kampionit europian, Chelsea.

Një pasim i bukur mashtrues nga Adel Taarabt, ka gjetur të lirë ish këmbëshpejtin e Chelseat, Shaun Wright Philips i cili me një goditje precize jashtë 16 metërshit ka qëlluar rrjetën e Ross Turnbullit, që po e zëvendëson Petr Cechun e lënduar.

Duhet cekur se Rafa Benitez kishte eksperimentuar me ekipin derisa nuk kishte futur në lojë nga fillimi treshen Ramires, Eden Hazard dhe Juan Mata. Spanjolli toporlak, i futi të tre këta në lojë pasi që e pa se nuk po ecën, mirëpo ishte e pamundur të ndërronin diçka prapa renxhersëve të organizuar të Redknappit.

Kështu Chelsea ka mbetur në vendin e katërt me 38 pikë, derisa Queens Park Rangers ka arritur në kuotën e 13 pikëve dhe mbetet në fund të tabelës, por barazohet me pikë me Readingun.

REZULTATET:

Chelsea - QPR 0-1

Liverpool - Sunderland 3-0

Newcastle - Everton 1-2