Rahoveci demolon Beharin në miqësore

Skuadra e Rahovecit që po zhvillon miqësore të shumta përgatitore para fillimit të stinorit të ri në Ligën e Parë të Kosovës, ka mposhtur sot thellë skuadrën e Beharit.

Futbollistët e Rahovecit kanë shënuar fitore me 5 gola dallim, 7-2, ndërsa Astrit Berisha, Egzon Elshani shënuan nga dy herë, derisa nga një gol në fitore realizuan Hamid Mullaabazi, Caner Gzimi dhe Edonis Krasniqi.

Për Beharin në këtë ndeshje shënuan Lirim Ibrahimi dhe Erion Qelaj.

Rahoveci në stinorin e kaluar garoi në Ligë të Dytë të Kosovës dhe u promovua në Ligë të Parë A të Kosovës sivjet, ku është rikthyer. Behari ndërkaq garon në Ligë të Dytë.