Ramiz Sadiku ndërron trajnerin!

Skuadra prishtinase, Ramiz Sadiku, ka bërë të ditur sot se ka ndërprerë bashkëpunimin me trajnerin që nisi stinorin Triumf Sinani.

Në vend të tij, ekipi kryeqytetas ka emëruar Granit Dervishollin, i cili ka nisur që sot punën me seniorët.

“Granit Dervisholli merr timonin e ekipit të seniorëve. Trajneri i ri bashkë me stafin e tij sot kanë mbajtur stërvitjen e parë me ekipin dhe janë ndarë shumë të kënaqur me dëshirën dhe motivin e treguar gjatë treningut të parë. Falenderojmë Triumf Sinanin bashkë me stafin e tij për punën e bërë deri më tani. Vazhdojmë të bashkuar drejt synimeve tona,” - ka shkruar njoftimi zyrtar i KF Ramiz Sadikut, botuar në rrjete sociale sot.

TABELA AKTUALE

Përndryshe, Ramiz Sadiku në gjashtë xhirot e para të Ligës së Parë, Grupi B, ka arritur të regjistrojë një fitore të vetme, ndërsa është i parafundit në renditje me 5 pikë.

Dervisholli që do të merr barrën e ekipit të parë tash, pritet të debutojë në ndeshje zyrtare që në xhiron e ardhshme dhe atë ndaj Vllaznisë së Pozharanit.