MEDIAT HOLANDEZE
Milot Rashica, duke festuar një gol të tijin në Eredivisie me Vitessen gjatë stinorit të kaluar/ Foto: Vitesse Official
Rashica në radar të Ajaxit
28 July, 2016 @12:26
Super talenti i kombëtares shqiptare, Milot Rashica, mund të përfundojë te njëri ndër ekipet më të famshme holandeze, Ajax.
Skuadra holandeze në fjalë ka futur në radar lojtarin e lindur në Vushtrri dhe tashmë po shikojnë opcionet.
Sipas Ajax Show Time zyrtarë të klubit kanë thënë se nëse Vitesse nuk kërkon dëmshpërblim marramendës atëherë Ajax mund të konisderojë Rashicën, pasi që ekipi nuk është në gjendje shumë të mirë financiare.
Rashica 20 vjeç ka impresionuar në stinorin e parë të tij të kaluar në Holandë me Vitessen, derisa ka regjistruar 8 gola të shënuara, 5 asistime në 35 paraqitje në Eredivisie (liga elite e Holandës).
