MEDIA
Brenda 48 orëve, Pogba te United?!
27 July, 2016 @21:47
Si duket spekulimi më i madh i kësaj vere do të marrë fund brenda 48 orëve. Së paku kështu raportoi pak më parë Sky Italia, por edhe njohësi i transfereve në futbollin ndërkombëtar, Gianluca Di Marzio.
“Pogba pritet të jetë brenda 48 orëve lojtar i ri i Manchester Unitedit,” ka cicëruar pak më parë Di Marzio, që mjaftoi për t’u bërë lajm i mediave botërore.
Sipas këtij njoftimi, Pogba pritet të përfitojë 250 mijë funta rrogë javore nëse bëhet pjesë e Unitedit.
Manchester United pritet të thyejë rekordin botëror të transferimit duke i paguar Juventusit 110 milionë euro dëmshpërblim, për lojtarin të cilin ia kishte shitur bianconerëve vite më parë për një shumë simbolike.
Agjenti i Pogbës, Mino Raiola, pritet të përfitojë mbi 20 milionë euro nëse realizohet ky transfer.
Paul Pogba, 23 vjeçar, sot llogaritet si njëri ndër mesfushorët më të mirë në botën e futbollit.
