Trepça mposht Drenicën në goleadë

Miqësorja e sotme ndërmjet Trepçës së Mitrovicës dhe Drenicës së Skenderajit ka kaluar në një goleadë në “Adem Jashari”.

Ekipi mitrovicas ka shënuar fitore 3-2 në fund, për t’iu kthyer fitoreve në miqësore, pas disfatës ndaj Renovës.

Ndërsa Drenica përkundër se tentoi të bëj diçka më shumë, nuk arriti të barazojë deri në fund, por vetëm uli epërsinë përmes Shkelzen Lushtakut, në përfundimtaren 3-2.

Në fakt, Drenica e kishte nisur më mirë ndeshjen kur sulmuesi i saj Granit Arifaj shënoi për epërsinë e skuadrës.

Mirëpo, mitrovicasit rikthyen gjithçka në favor të vetin me dy gola të shpejtë dhe krijuan edhe epërsi prej 3-1 për të siguruar fitoren (me rezultat përfundimtar 3-2) në përballjen e radhës parasezonale.

Trepça këtë stinor i rikthehet Superligës, ndërsa Drenica e ka shpëtuar stinorin përmes ndeshjes së barazhit.