Rashkaj kupton nëse nuk vijnë Shaqa e Xhaka te Kosova

Kapiteni i parë i reprezentacionit të Kosovës pas pavarësimit, Anel Rashkaj, në një bisedë me Kohën Ditore ka bërë të ditur se cilët lojtarë do ta befasonin atë nëse nuk vijnë që të përfaqësojnë reprezentacionin.

“Nuk është vendim i lehtë, por duhet të dihet se për shembull Adnan Januzaj nuk e ka situatën e njejtë me Xherdan Shaqirin dhe shokët nga reprezentacioni zviceran,” ka thënë Rashkaj.

“Vetëm rastet e lojtarëve të Zvicrës si Xherdan Shaqiri, Granit Xhaka dhe Valon Behrami i kisha kuptuar të mos vijnë, pasi që janë standard me vite të tëra aty. Ndërsa të tjerët do të më befasonin po të mos vinin të luajnë për Kosovën,” ka shtuar ai.

Rashkaj tashmë nuk ftohet nga selektori Albert Bunjaki, pasi që po luan në kategorinë e dytë të Norvegjisë me Sandnesin.