Rasti i parafundit

Llogaritë kanë filluar të bëhen për ato skuadra që nuk kanë kryer punën e vetë më parë sikurse Atletico Madrid, që ka radhitur fitoret dhe ka siguruar si vendin e parë në grup ashtu edhe fazën eliminatore të Ligës së Kampionëve. 

Grupi E

Një barazim do të jetë i mjaftueshëm për Chelsean sonte ndaj Baselit si mysafir për të siguruar një vend në fazën eliminatore të Ligës së Kampionëve. 

Bile, edhe një humbje e radhës e Chelseat nga Baseli, pas befasisë në Stamford Bridge, nuk do të lëvizte ekipin e Jose Mourinhos nga kreu i grupit, një ndeshje pa përfunduar faza grupore. 

Schalke, do të mund të kualifikohet sonte nëse të dyja ndeshjet e grupit sonte përfundojnë me fitore të mysafirëve. Përndryshe, ata do të duhet të luftojnë me Baselin në ndeshjen e fundit për të mbetur në garë. 

Grupi F

Olympique Marseille është eliminuar tashmë. Mirëpo, edhe nëse Arsenali arrin fitore, nuk e ka të sigurtë kualifikimin pasi që duhet të shpresojë në fitoren e Borussia Dortmundit ndaj Napolit. 

E ekipi i Jurgen Kloppit do të luaj në Europa League nëse sonte nuk arrin fitore ndaj ekipit të Rafael Benitezit në Westfalen të Dortmundit. 

Napoli me fitore do të siguronte fazën tjetër të Ligës së Kampionëve. Mirëpo, atyre u konvenon edhe barazimi sonte me gjermanët që arritën finalen e stinorit të kaluar në Ligë të Kampionëve. 

Grupi G

Atletico Madrid, me pikë maksimale nga katër ndeshjet e para, e ka të konfirmuar vendin e parë në grup. Austria e Vienës kërkon ende golin e parë, derisa mund të shpresojë nëse fiton. Nëse Atletico mposhtet nga Zeniti në Rusi, Porto gjithashtu duhet të mposht Austrinë për të bërë një hap të madh drejt kualifikimit. 

Grupi H

Barcelona e ka siguruar kualifikimin te 16-shja më e mirë e Ligës së Kampionëve. Atyre u duhet vetëm edhe një pikë që të garantojnë edhe vendin e parë në grup, mirëpo katalonasit mund të arrijnë këtë edhe me humbje, varësisht nga rezultatet tjera. 

Kampioni i Skocisë, Celtic, do të kalonte në vendin e dytë të grupit me një fitore sonte ndaj Milanit, nëse Ajax nuk do ta mposhtte Barcelonën. 

Por, humbja do t’i eliminonte skocezët. Diçka e tillë do të mund të ndodhte edhe me Ajaxin në të kundërtën. 

Mirëpo, llogaria më e lehtë për mysafirët sonte është fito dhe shko. Me fitore edhe Milani do t’i bashkohej Barcelonës në fazën eliminatore. 

LIGA E KAMPIONËVE, Sonte: