S’ka ankesa

Pas dhjetë fitoreve me radhë, mbrëmë edhe edhe barazimi i tretë me radhë për Romën. E ky barazim e la Juventusin në krye të tabelës për herë të parë që nga fillimi i stinorit. 

Roma dështoi që të shënonte gol përkundër se kishte një mori rastesh ndaj Cagliarit modest mbrëmë. 

“Kemi pasur shumë raste,” ka thënë pas ndeshjes për Sky Italia, mesfushori me përvojë i Romës, Daniele De Rossi. 

“Nuk mund të ankohemi. Kemi krijuar shumë dhe mund të shihet se nuk kemi probleme në sulm. Kemi provuar gjithçka deri në fishkëllimën e fundit të gjyqtarit. Jemi në vendin e dytë dhe qëllimi ynë është Liga e Kampionëve që nga fillimi i stinorit,” ka përfunduar ai. 

Ekipi i Rudi Garcias, Roma, ka pasur start perfekt në stinorin e ri të Serie A-së. Dhjetë fitoret radhazi thyen rekordin e klubit, ndërsa u barazuan me Milanin e Fabio Capellos, gati dy dekada më parë. 

Pikët e radhës, tash romakët do të duhet t’i kërkojnë në mysafirllëk te Atalanta, e Cagliari luftarak, pret pikë të plota nga Sassuolo në xhiron e radhës. 

Tabela aktuale e Serie A.