Real e Barça fitojnë, Inter barazon

Para 44 mijë shikuesve, Karim Benzema, ka shënuar golin e vetëm për Real Madridin në pjesën e parë të ndeshjes miqësore ndaj Paris St Germainit, ku Carlo Ancelotti u përballë për herë të parë me ish skuadrën e tij. 

Real Madrid fitoi Paris St Germainin 1-0, pas një pasimi të teledirigjuar nga Mesut Ozil. E Benzema sikurse një luftarak që nuk e lëshon prenë, reagoi menjëherë për të mposhtur italianin në portën e kampionit të Francës, Salvatore Sirigu. 

Cristiano Ronaldo dhe Ezequiel Lavezzi dështuan nga një rast në ndeshje, ku Lavezzi mund të thuhet që shpërdoroi rast ideal. Pasi që pranuan golin parisienët u dukën edhe më të rrezikshëm ku  Zlatan Ibrahimovic, pastaj Javier Pastore si dhe Blaise Matuidi rrezikuan, por Diego Lopez ka treguar se Iker Casillas do të ketë problem edhe sivjet që ta zë vendin e tij në portën e nënkampionit spanjoll. 

TATA FILLON ME FITORE

Gerardo Martino ka filluar me fitore misionin e tij me kampionin spanjoll, Barcelona. Në miqësoren e zhvilluar në Oslo, Barcelona ka shënuar shtatë gola ndaj Valerengës. 

Pas humbjes ndaj Bayern Munchenit, Barcelona i është përgjigjur në stil të vetë norvegjezëve me Alexis Sanchez, Cristian Tello dhe Lionel Messi në 15 minutëshin e parë të ndeshjes. Jonathan Dos Santos e bëri 4-0 para pushimit 15 minutësh, ndërsa Jean Marie Dongou dhe Joan Ramon vulosën fitoren më vonë. 

ICARDI SHËNON, POR INTER BARAZON

Sulmuesi italo-argjentinas që bëri bujë në Sampdoria stinorin e kaluar, Mauro Icardi, ka shënuar gol për Interin në miqësore ndaj gjermanëve të veriut, Hamburg. 

Icardi shënoi pas vetëm 73 sekondash lojë për të befasuar portierin Jaroslav Drobny, pasi që pranoi një pasim nga kolumbiani Fredy Guarin nga e djathta. 

Vendasit barazuan me fillimin e pjesës së dytë kur letonezi Artoms Rudnevs shënoi me kokë për barazim.