Real fundos nëndetësen e verdhë

Njëra prej skuadrave më në formë për momentin, Real Madrid, nuk është ndalur as sot në përballjen ndaj Villarrealit.

Madrilenët shënuan fitore si mysafire me rezultat 2-0, për t’iu afruar edhe më shumë pjesës së sipërme të radhitjes tabelare në La Liga.

Mesfushori kroat, Luka Modric, shënoi golin e epërsisë për madrilenët në minutën 32’, ndërsa tetë minuta më vonë Cristiano Ronaldo e tundi portën e kundërshtarit për herë të dhjetë në këtë stinor.

Kjo është fitorja e tretë me radhë për galaktikët në La Liga, që tani kanë gjithsej 12 pikë, katër më shumë se Villarreali.

Rezultatet dhe tabela aktuale.