GRUPI F: LEGIA - REAL MADRID
Foto: Champions League
Reali ndalet në Varshavë
2 November, 2016 @22:38
Një ndeshje shumë interesante u zhvillua sonte në Poloni, ku Legia e Varshavës e ndali në barazim kampionin në fuqi të Evropës.
Madrilenët ishin në epërsi të dyfishtë pas 35 minutave, mirëpo polakët nuk u dorëzuan për asnjë moment dhe shënuan 3 herë, për ta kthyer ndeshjen në anën e tyre. Gjithsesi, humbjen e mbretërve nuk e lejoi kroati Kovacic, i cili shënoi për 3-3 dhe ndeshja u mbyll me barazim.
Ky rezultat bën që Dortmundi të jetë lider i Grupit F, me 2 pikë më tepër se Real Madridi, me një ndeshje direkte mes skuadrave që do të luhet në ‘Santiago Bernabeu’. Gjithashtu, gjermanët sonte e siguruan kalimin në raundin tjetër pas fitores ndaj Sportingit.
Vlen të theksohet që Real Madridi mbetet ende i pamposhtur këtë sezon, si në Champions League, ashtu edhe në La Liga e Copa Del Rey.
Legia Warszawa 3 - 3 Real Madrid All Goals… by ViralDailyTV
