Reali shijon ëndrrën në teatër

Skuadra spanjolle Real Madrid është kualifikuar në çerekfinale të Ligës së Kampionëve. Mbretërit në revanshin e ndeshjes së përfunduar 1-1 në Santiago Bernabeu, arriti të fitojë ndaj Manchester Unitedit me rezultat 1-2 në Old Trafford.

Goli i parë i ndeshjes u realizua me autogolin e Sergio Ramosit, i cili nuk mundi ta largoj topin e krosuar nga Nani.

Pas golit të Manchester Unitedit, Reali filloi t’i shpeshtojë sulmet, ndërsa vendimi i gjyqtarit të ndeshjes për ta përjashtuar nga loja Nanin në minutën 56’ ishte sikur qërshija mbi tortë.

Epërsinë e një lojtari më shumë në fushë, Mourinho e shfrytësoi duke e inkuadruar në lojë Luka Modricin në vend të Arbeloas, i cili edhe shënoi golin e barazimit shtatë minuta pasi hyri në fushë duke goditur furrishëm nga distanca.

Vetëm tre minuta më vonë Cristiano Ronaldo e ngriti ekipin e tij në epërsi duke shënuar nga afërsia pas asistimit të Gonzalo Higuainit.

Në vazhdim të ndeshjes megjithëse kishte raste të volitshme nga të dyja palët, portat mbetën të paprekura.

REZULTATI