Refuzohet ankesa e CR7

Ankesa e Cristiano Ronaldos lidhur me dënimin për tre ndeshje moslojë në La Liga është refuzuar nga Federata spanjolle e futbollit. 

Kështu, Topi i Artë për vitin e kaluar do të mungojë në tre ndeshjet e radhës të La Ligas për madrilenët, ndaj Villareal, Getafe dhe Elche, derisa Real Madridi kërkon titullin e dytë kampion që nga viti 2008. 

Sidoqoftë, Cristiano Ronaldo do të jetë në dispozicion të Carlo Ancelottit për ndeshjen e kthimit të Copa del Rey ndaj Atletico Madridit në Vicente Calderon. 

Cristiano Ronaldo ishte përjashtuar nga ndeshja në minutën e 75-të ndaj Athletic Bilbaos, pasi që kishte ngritur dorë ndaj kapitenit të ekipit kundërshtar Carlos Gurupegui.