UCL FINAL: REAL - LIVERPOOL
Regjimi madrilen vazhdon!
26 May, 2018 @22:31
I treti vit me radhë, e trembëdhjeta në histori!
Reali është përsëri kampion i Evropës! Madrilenët shënuan fitore 3-1 ndaj Liverpoolit në Kiev, për ta fituar kështu përsëri trofeun e Ligës së Kampionëve.
Një spektakël që filloi me paraqitjen e Dua Lipës, e më pas skuadrat e nisën ndeshjen, për të dhuruar 90 minuta emocionuese.
Gjithçka ishte ‘mirë’ për Liverpoolin deri të lendimi i Mo Salah, njeriut kryesor, i cili u detyrua ta lëshojë ndeshjen, e më pas dukej sikur Liverpooli ishte me 10 lojtarë në fushë, me Realin që ishte kontrollues i ndeshjes.
Përkundër kontrollit, ndeshja pothuajse u vendos nga dy gabime të portierit gjerman të Liverpoolit, i cili ishte fajtor në dy nga 3 golat e pranuara, tjetra ishte magji e Bale, duke ndikuar domosdoshmërisht në rezultatin kryesor dhe duke bërë që Klopp ta humbë edhe një finale në karrierën e tij.
Në anën tjetër, regjimi madrilen në Evropë vazhdon! Madje, ky klub bëhet i pari në histori që në të njëjtin sezon shpallet kampion i Evropës edhe në futboll, edhe në basketboll.
