UNITED - BRIGHTON
Rekord për Solskjaer, shpresë për top4
19 January, 2019 @18:18
E gjashta fitore me radhë për norvegjezin Solskjaer në krye të Manchester United në Premier League, për t’u bërë kështu trajneri i parë në histori të këtij klubi që e arrin këtë gjë.
20 herë kampioni i Anglisë sot shënoi fitore me rezultat 2-1 ndaj Brightonit në shtëpi, për ta vazhduar serinë perfekte me trajnerin e ri.
Dyshja që po zhvillon ndeshje fantastike me trajnerin e ri, Paul Pogba dhe Marcus Rashford, përsëri ia siguroi fitoren ‘Djajve të Kuq’. Me golin e shënuar, Rashford arriti të bëhet lojtari më i ri në histori të Manchester United që arrin të shënojë në 4 ndeshje radhazi (21 vjet e 80 ditë).
Fitorja e Unitedit sot vjen në një moment mjaft të mirë, kur dihet që pas pak minutave mes vete direkt përballen Arsenali e Chelsea, dy rivalët e Unitedit për top4.
