Rekord transferi i Manchesterit

Mesfushori spanjoll dhe lojtari më i mirë i Chelseat në dy stinorët e kaluar, Juan Mata, ka nënshkruar zyrtarisht kontratë me Manchester Unitedin. 

“Jam i lumtur që po i bashkohem radhëve të Unitedit. Kam kaluar kohë shumë të mirë te Chelsea, por ka ardhur koha për sfidë të re. United është vend ideal për mua dhe jam i lumtur që do të jem pjesë e fazës së re të klubit,” ka thënë Mata në prononcimin e parë të tij si futbollist i djajve të kuq. 

Kështu 25 vjeçari Mata është bërë rekord transfer i klubit të Manchester United me 37 milionë funta të paguara për atë, derisa këtë rekord e mbante deri më sot sulmuesi bullgar Dimitar Berbatov, që pat ardhur në vitin 2008 për 30.75 milionë funta nga Tottenham Hotspur. 

“Juan është njëri ndër organizatorët më të mirë të lojës në ditët e sotme dhe është kënaqësi të sigurosh nënshkrimin e një lojtari të tillë,” ka thënë duke buzëqeshur trajneri i Man Utd, David Moyes.