Reveillere kalon në Napoli

Anthony Reveillere pas një dekade të kaluar në Lyon do t’i bashkohet radhëve të Napolit. Këtë lajm e ka konfirmuar ekipi napolitan sot, pasi që ka siguruar nënshkrimin e krahmbrojtësit me përvojë françez si lojtar i lirë. 

Reveillere ka përvojë të jashtëzakonshme me Lyonin si në Ligue 1 ashtu edhe në Ligë të Kampionëve, ndërsa me 33 vjetët e tij do të jetë edhe si shembull për shumicën e të rinjëve napolitan. 

Ai do të ribashkohet me ish trajnerin e tij Rafael Benitez, me të cilin kishte punuar një kohë të shkurtër në Valencia. Reveillere ka qenë ish përfaqësues i Francës si dhe ka pesë tituj të fituar të Francës me lionezët.