NË PEJË
Rexha sjell fitoren e Besës
3 April, 2016 @15:45
Kastriot Rexha ka qenë i pakapshëm sot për ekipin kundërshtar. Sulmuesi i Besës ka shënuar dy herë në ndeshje për të fundosur edhe më Vushtrrinë në telashe, ndërsa ka ngritur koutën e pikëve të ekipit të tij në 36, kurse i shtoi edhe llogarisë së vetë dy gola tjerë në listën e golashënuesve të Superligës.
Besa ka dominuar në fakt gjatë gjithë ndeshjes dhe fitorja e tyre nuk vihej në dyshim, derisa vetëm priteshin momentet e golit, ku i pari erdhi pas krosimit të Fisnik Papuqit, e i dyti në pjesë të dytë.
Besa në xhiron e radhës udhëton në Istog, kurse Vushtrria pret Gjilanin.
