SHQIP NË BOTË
Rexhbeçaj mposhtet bindshëm nga ekipi i Abrashit
9 January, 2021 @21:24
Dueli i dy mesfushorëve shqiptarë u zhvillua sot në Bundesligën gjermane, ku u përballë ekipi i Amir Abrashit, Freiburg dhe ai i Elvis Rexhbeçajt, Koln.
Takimi përfundoi me rezultat bindës, 5-0, në të mirë të ekipit vendas, Freiburg, i cili e ka rritur në 5 serinë e fitoreve të njëpasnjëshme në Bundesliga.
Abrashi në këtë përballje ishte në bankë dhe nuk u aktivizua për asnjë minutë, ndërsa Rexhbeçaj, i cili në shumicën e ndeshjeve të këtij stinori ka qenë titullar, në këtë takim u inkuadrua në fillim të pjesës së dytë.