Rezervistët nxjerrin fitoren

Nënkampioni i Gjermanisë, Borussia Dortmund ka arritur të shënojë fitore shumë më vështirë sesa që ka paramenduar ndaj Eintracht Braunschweigut sot. 

Është dashur që të intervenojë trajneri Jurgen Klopp ashtu që të shënohet goli. Dy rezervistët, Jonas Hofmann dhe Marco Reus kanë shënuar për fitoren 2-1 të nënkampionit europian sot dhe atë vetëm në 15 minutat e fundit të takimit. 

Sa i përket kundërshtrëve, ia vlen të përmendet futja e shqiptarit nga Kumanova, Orhan Ademi, që është futur në 15 minutat e fundit të ndeshjes për ekipin e tij që është promovuar sivjet në Bundesligë. Sulmuesi shqiptar ka zhvilluar 15 minutat e para të tij në Bundesligë sot, ku edhe Braunschweig shënoi gol, por në saje të autogolit të Robert Lewandowskit!