Të pandalshëm

Manchester United ka arritur të shënojë edhe fitoren e parë në Premier League, pas fitores në Superkupën angleze ditë më parë. 

Holandezi fluturues Robin Van Persie me dy gola të bukur dhe anglezi Danny Welbeck , gjithashtu dy herë, kanë shënuar për fitoren e parë të David Moyesit në Premier League si trajner i Manchester Unitedit si mysafir ndaj Sëansea 1-4. 

I shumpërfoluri për largim nga skuadra, Wayne Rooney, është futur në lojë nga minuta e 60-të, për ta zëvendësuar veteranin Ryan Giggs dhe ka asistuar në golin e fundit të ekipit të tij. 

Në anën tjetër Swansea e nisi mirë takimin, kur spanjolli Michu qëlloi shtyllën, mirëpo me të marrë Manchesteri posedimin e topit krijoi dominim nga minuta e 30-të e ndeshjes - për të mos e vënë asnjëherë në dyshim fitoren. 

Kosovari Adnan Januzaj nuk ka qenë në përbërje të ekipit fare sot. Shikoni tabelën aktuale.