Ribery mungon

Dy orë para ndeshjes, u konfirmua se mesfushori françez i Bayernit, Franck Ribery, nuk do të jetë në gjendje të paraqitet në ndeshjen e xhiros së parë të Ligës së Kampionëve, ndaj Manchester City. 

Dueli i madh i kampionëve, të Gjermanisë dhe Anglisë, luhet sonte derisa trajneri i Bayernit, Pep Guardiola ka konfirmuar se ai nuk do të jetë pjesë e bavarezëve sonte. 

“Ai është në shtëpi dhe nuk do të luaj. Mjeku e pa të hënën dhe tha se nuk do të mund të luaj,” ka thënë mes tjerash Guardiola. 

Ribery 31 vjeç nuk u paraqit edhe në dy xhirot e para të Bundesligës për shkak të lëndimit në gju, para se të kthehej në ndeshjen e fundjavës, si zëvendësues.