Rivali i Kosovës, barazon me Serbinë

Panama, që do të luaj kundër Kosovës në miqësore gjatë vjeshtës ka arritur të ndalë Serbinë sot në miqësore, duke barazuar 1-1. 

Serbët kishin avancuar me golin e mbrojtësit të Chelseat, Branislav Ivanovic, mirëpo Panama ka arritur të barazojë në pjesë të dytë për të befasuar ekipin ballkanik. 

Gabriel Gomez me golin e tij në minutën e 60-të shënoi për barazim derisa serbët përkundër se tentuan nuk arritën të mposhtin kundërshtarin që u tregua tejet i sigurtë. 

Kosova ndaj Panamasë do të luaj në New York të SHBA-së me datë 9 tetor, para takimit me Kanadanë që luhet më 12 tetor në Chicago.