Roma forcon mbrojtjen

Me një postim zyrtar, klubi i Romës ka konfirmuar huazimin e Federico Fazios, qendërmbrojtësit argjentinas të Tottenhamit, i cili do të jetë i huazuar te skuadra nga kryeqyteti italian për sezonin e ardhshëm 2016/2017.

29-vjeçari i ardhur nga Sevilla, nuk kaloi formë të mirë te Tottenhami, ndërsa sipas marrëveshjes, pas përfundimit të huazimit Roma ka të drejtë ta paguajë komplet kartonin e lojtarit, nëse dëshiron ta transferoj në formë permanente.

Lajmi vjen pak orë pas transferimit permanent të egjiptianit Mohamed Salah nga Chelsea, ndërsa ardhja e Fazios mund të jetë shenjë për largimin e Kostas Manolas, i kërkuar nga shumë skuadra evropiane.