Sahiti: Me presing ndaj letonezëve

Ushtruesi i detyrës së përfaqësueses së Kosovës, Muharrem Sahiti, në deklartën e tij para duelit ndaj Letonisë, pas stërvitjeve ka thënë se po mbretëron një atmosferë shumë e mirë në ekip.

“Kemi një atmosferë jashtëzakonisht të mirë për punë. Grupi po funksionon mirë dhe në harmoni. Provuam lojë kryesisht sulmuese dhe presing të vazhdueshëm ndaj kundërshtarit. Do të vazhdojmë të punojmë edhe në ditët në vijim me përkushtim, në mënyrë që të  kundërvihemi me sukses letonezëve,” ka treguar Sahiti.

Kosova do të zhvillojë miqësoren e parë në shtëpi pas pranimit në FIFA e UEFA. Të hënën në Adem Jashari të Mitrovicës, përfaqësuesja e kaltër pret Letoninë, në përballjen që nis në ora 19:30.