Sampdoria ia mohon fitoren Interit

Sampdoria ia ka prishur ditën kryetarit të ri të Interit, Erick Thohir. Ekipi xhenovez ka arritur që të barazojë rezultatin në 1-1, një minutë pa përfunduar ndeshja. 

Për më tepër sot ishte edhe parada e 54 ish yjeve të Interit në Giuseppe Meazza, por Sampdorias s’i bën fare përshtypje këto gjëra dhe u tregua pa respekt për neroazzurët. 

Ishte kolumbiani Fredy Guarin që i dha epërsinë ekipit të Walter Mazzarit me golin e tij të shënuar në minutën e 18-të të ndeshjes, kur asistoi pas një depërtimi, Ricky Alvarez. 

Dukej se Interi e kontrollonte situatën deri në minutën e fundit kur zëvendësuesi brazilian i Sampdorias, Renan, që kishte hyrë tre minutat e fundit në lojë, lansoi një raketë nga distanca për të barazuar dhe për t’ia mohuar fitoren Interit. 

Rezultatet dhe tabela aktuale.