Sevilla prezenton Joveticin

Sulmuesi 27 vjeçar i Malit të Zi, Stevan Jovetic, është lojtari më i ri i Sevillas. Sulmuesi që deri tash ka qenë pjesë e Interit ka kaluar si huazim deri në fund të stinorit me opcion blerjeje në korrik 2017.

Jovetic është shprehur të jetë i lumtur me tu prezentuar sot te Sevilla, ku ndër të tjera ka përmendur se është i gëzuar që do të luajë në Ligë të Kampionëve.

Gjithashtu, Jovetic aty do të takojë ish-bashkëlojtarin e tij nga Manchester City, Samir Nasri.

“Jam në formë të mirë. Do të flas me trajnerin. Do të bëjmë më të mirën që mundemi për ekipin. Natyrisht, besoj që primare do të jetë të shkojmë sa më lart në Ligë të Kampionëve, por edhe të jemi në tre apo katër ekipet më të mira të Spanjës në fund të stinorit,” ka thënë Jovetic gjatë prezentimit të tij.

Malaziasi Jovetic është futur në listë të lojtarëve të ekipit që po përgatiten për derbi të fundjavës ndaj Real Madridit, ndërsa sulmuesi mund të debutojë që në këtë ndeshje.

Sevilla në Ligë të Kampionëve do të ndeshet me kampionin e Anglisë, Leicester City.