Shaqiri dëshiron titullin

Xherdan Shaqiri, që aktualisht po qëndron në Kosovë, ka folur për faqen zyrtare të ekipit të tij, Inter, ku ka porositur se do të luftojë për titullin kampion në stinorin vijues. 

“Jam i sigurt se ne mund të luftojmë për Scudetto,” është cituar të ketë thënë Shaqiri për faqen zyrtare të klubit Neroazzurr sot. 

Cilësia po vjen

Shaqiri 23 vjeçar arriti te Interi nga Bayern Muncheni. Ai ia ka besuar aktualisht të ardhmen ekipit të Roberto Mancinit dhe ka shtuar se: 

“Interi do të jetë më kompetitiv stinorin që vjen. Janë duke arritur lojtarë cilësorë në ekip. Do të luftojmë për Scudetto.” 

15 ndeshje, 8 startime, 1 gol

Xherdani ka zhvilluar 15 ndeshje për Interin në Serie A stinorin e shkuar. Ai i ka startuar 8 ndeshje nga minuta e parë, derisa ka shënuar një gol në elitën italiane të futbollit.