Shaqiri gati për Liverpoolin

Në ndeshjen e nesërme ndërmjet Liverpoolit dhe Stoke Cityt, trajneri i këtyre të fundit, Mark Hughes, do ta ketë në dispozicion edhe njërin prej futbollistëve të tij më të rëndësishëm, Xherdan Shaqirin.

Shqiptari me nënshtetësi zvicerane, kishte mbetur jashtë fushave të blerta për gati një muaj, për shkak të tërheqjes së kofshës gjatë ndeshjes kundër Southamptonit, ku edhe ishte zëvendësuar në minutën 31’.

Rikthimin e tij e ka konfirmuar edhe vetë futbollisti, me anë të një njoftimi në llogarinë e tij zyrtare në Facebook.

“Jam gati për ndeshjen nesër kundër Liverpoolit,” ka shkruar Shaqiri në gjuhën shqipe, derisa të njëjtën gjë e ka shkruar edhe në anglisht dhe gjermanisht.

Ndeshja ndërmjet Liverpoolit dhe Stoke Cityt do të fillojë nesër nga ora 17:00.