LIVERPOOL - MANCHESTER UNITED
Shaqiri show, Liverpool fiton derbin dhe rikthen kreun
16 December, 2018 @19:12
Me plot meritë, skuadra e Liverpoolit ka arritur ta fitojë derbin më të madh anglez ndaj Manchester Unitedit.
Skuadra e gjermanit Klopp ishte më kërkuese përgjatë gjithë takimit, mirëpo fitoren e arriti vetëm pas inkuadrimit të Xherdan Shaqirit në fushë.
Xherdani u inkuadrua në lojë kur rezultati ishte 1-1 dhe shënoi dy herë, për t’ia dhënë fitoren skuadrës së tij, fitore e cila është e para për Liverpoolin ndaj Manchester Unitedit në Premier League që nga marsi i vitit 2014.
Tri pikët e fituara sot e rikthejnë në krye Liverpoolin, kurse United mbetet 11 pikë larg vendit të katërt, me shumë pak shpresë për një vend që dërgon në Champions vitin tjetër. Ajo që duhet përmendur është që United pas 17 xhirove ka pësuar plot 28 gola, kurse gjatë komplet sezonit të kaluar, 38 ndeshje, kishte pësuar 29.
