Të gjitha lajmet

ANALIZË

TOP 5 ndeshjet e fundjavës

TOP 5 ndeshjet e fundjavës

Shkruan: LUAN MORINA

14 December, 2018 @20:23

Pesë ndeshjet më interesante të fundjavës, që nuk bën të kalojnë pa i parë.

Manchester City – Everton (e shtunë, ora 1e30)

Manchester City mund të kthehet qysh këtë fundjavë në krye të Premier League. Për më tepër, ende janë në rrugë për katërshen e madhe, e cila herët a vonë do të vjen tek blutë e qytetit. Në fakt është e vetmja mënyrë për të marrë disi epërsinë ndaj rivalëve të qytetit kur përmendet historia. Ndonëse mbrapa Liverpoolit, mentaliteti dhe talenti i Guardiolës janë avantazh i krahasueshëm kundrejt Kloppit. Më shkurt, nëse City ose Liverpool mbeten 4 pikë mbrapa njëra-tjetrës, vetëm City është ekip i cili do të mund të kthehej e të merrte titullin.

Manchester City vs Everton

Kundër Evertonit pritet të jetë edhe një paradë e lehtë, pasi Marcos Silva nuk duket se ka guximin të bëj presion mbi qendërmbrojtësit e Cityt, që në fakt është e vetmja mënyrë për t’u mohuar lojën. Richarlison nuk është dikush që do të bënte këtë, e aq më pak qendërsulmuesit që kanë në dispozicion.

Hoffenheim – Monchengladbach (e shtunë, ora 3e30)

Hoffenheimi aplikoi një lojë të hapur ndaj Cityt, por nuk ishte në gjendje të mbulonte edhe armën rezervë – ndërprerjet. City dominoi lojën, përfshirë edhe pjesën e parë, por Hoffenheim dhe Nagelssmann duhet të lavdërohen për lojën e bukur dhe të hapur që kanë shfaqur këtë sezon.

Hoffenheim vs Borussia Monchengladbach

Të njëjtën kanë bërë edhe Monchengladbach me Ragnick. Janë dy nga ekipet me lojën më të bukur në Bundesliga, dhe e shtuna pasdite do të duhej të ishte një argëtim i mirë nëse dy trajnerët nuk ndryshojnë qasjen e tyre të zakonshme. Thorgan Hazard i mysafirëve po kalon një super-sezon, gjersa tek Hoffenheim, nga hija shpesh paraqitet Reiss Nilsson, ndonëse janë një ekip goxha mirë i ndërtuar falë trajnerit.

Basaksehir – Galatasaray (e shtunë, ora 5)

Nëse doni të keni punë me një ligë skandaloze – bujrun tek Superliga turke. Basaksehir janë favorit kryesor për titull, prandaj një fitore të shtunën do t’u jepte një shtytje drejt titullit. Lojtari më i njohur i tyre për shumicën, Arda Turan pas dënimit prej 10 ndeshjeve, mbetet vetëm rezervë në ndeshjet e fundit, ngjashëm si Emanuel Adebayor.

Istanbul Basaksehir vs Galatasaray

Me 10 ndeshje është dënuar edhe Fatih Terim dhe gjysma e ekipit të Galatasarayit. Është goditje e ultë të akuzohen vetëm federata e cila ka turpëruar futbollin turk që nga ardhja e Demirorenit (ma shqip kapja e Besiktasit), kur kanë qenë vet kryesuesit e Galatasaray që kanë larguar Bafetimbi Gomisin (me zor) drejt Emirateve Arabe. Fenerbahçe është në krizë, e ngujuar në tri pozitat e fundit, pa trajner (sot u emërua Ersun Yanal), dhe me një puç të brendshëm kundër kryesisë së re. Besiktasi turpërohet nga Malmo, Akhisarspor, fitues i Kupës përfundon Europa League pa asnjë fitore, dhe në krejt këtë rrëmujë, Kasimpasa e Loret Sadikut mund të jetë ekipi i dytë i Turqisë në Ligën e Kampionëve. Ligë për ‘gallatë’!

Lyon – Monaco (e diel, ora 1)

Ekip i kapluar me lëndime është edhe Monaco. Thierry Henry ka zhvilluar disa ndeshje me portierin e tretë, Raggin e plakur e ka vendosur në krahë, dhe në çdo ndeshje, së paku një e treta e ekipit përbëhet nga lojtarë të Akademisë (disa edhe të blerë në ekipe tjera) të cilët nuk kanë të drejtë vote ende!

Lyon vs Monaco

Lyon siguroi rrethin eliminator të Ligës së Kampionëve në një ambient jo të lehtë. Kanë ekip të mirë, më të mirë se Monaco sigurisht, por është një klasike franceze. Në mbrëmje pritet të takohen Marseille edhe Bordeaux – që të dyja më të dobëta se ky derbi i drekës!

Liverpool – Manchester Utd (e diel, ora 5)

Historia e Cityt për të kaluar Unitedin do të nevojitej edhe një gjysmë shekulli së paku! Por, me këtë gjendje aktuale në renditje, nga Liverpool e City, cilin do e preferonin fansat e Unitedit kampion? E kishim pyet Gentin, por ai si zakonisht do t’i ikte kësaj pyetjeje, e me pak ngulm do të zgjedhte Cityn.

Liverpool vs Manchester United

Por, këto dy ekipe kanë një detyrë të zorshme për të kaluar cilësinë e derbit të javës së kaluar. Kapacitet në terren kanë vetëm vendasit. Nëse do të bënim një 11she të përbashkët, pos Lukakut dhe De Geas, të gjitha pozitat tjera do të ishin padyshim për vendasit! Hendersoni para Pogbës?!

MANAGERS ASSOCIATION

Trajneri i sezonit, Pep Guardiola

Foto: premierleague.com

15 May, 2019 @0:31

Trajneri i Manchester Cityt, Pep Guardiola, është përzgjedhur për të dytin vit radhazi trajneri më i mirë i sezonit në…

CHAMPIONSHIP PLAYOFF

Përsëri në finale

15 May, 2019 @0:16

Pas fitores në ndeshjen e parë 2-1 dhe humbjes në ndeshjen e kthimit 1-0, ndeshja gjysmëfinale e PlayOffit të Championshipit…

EDEN HAZARD

Pas finales, bëhet i Realit

14 May, 2019 @11:24

Mesfushori magjik belg, Eden Hazard, pritet të zyrtarizohet si lojtar i ri i Real Madridit pas finales së Europa Ligës,…

FAIR PLAY FINANCIAR

City mund të mbetet pa gara evropiane?!

14 May, 2019 @0:12

Nuk është vetëm ekipi i Milanit që rrezikon mospjesëmarrjen në Ligë të Kampionëve për shkak të fair-playit financiar. Sipas…

BRIGHTON & HOVE ALBION

E larguan pasi mbijetuan stinorin

13 May, 2019 @16:48

Skuadra e cila siguroi mbijetesën në Premier Ligë, Brighton, ka bërë të ditur se ka shkarkuar trajnerin e ekipit, Chris…

Të gjitha lajmet nga Premier League