SOUTHAMPTON - ARSENAL
Foto: Squawka
22 ndeshje pa humbje, seria ndalet nga Southamptoni
16 December, 2018 @16:21
Serinë prej 22 ndeshjeve radhazi pa humbje në të gjitha garat Arsenalit ia ndali sot Southamptoni.
Në një ndeshje mjaft atraktive me 5 gola të shënuara, fituese doli skuadra vendase, e cila sot e shënoi fitoren e parë nën drejtimin e trajnerit të ri Ralph Hasenhüttl.
Dy herë për Arsenalin sot shënoi Mkhitaryan, kurse për golat e vendasve dhe rezultatin final 3-2 u përkujdesën Ings (2) dhe Austin.
Kjo fitore i jep një shtytje në luftën për mbijetesë Southamptonit, ndërsa Arsenali momentalisht ndodhet jashtë top4. Madje, lajm jo i mirë për londinezo-veriorët është edhe fitorja e sotme e Chelseat ndaj Brightonit në takimin tjetër që u luajt me fillim nga ora 14:30 në Premer League.
