Shënon gol, e pret berberi

Mesfushori i Hull Cityt, Tom Huddlestone, ka prerë flokët menjëherë pas golit të shënuar në ndeshje ndaj Fulhamit. Ai ka shënuar golin e katërt të ekipit të tij në minutën e 67 të ndeshjes, në fitoren e thellë 6-0 ndaj Fulhamit.

E historia e flokëve të tij të gjatë, daton 54 ndeshje më parë, kur kishte shënuar golin e fundit të tij Huddlestone. Ish mesfushori i Tottenham Hotspur, Huddlestone me të shënuar golin e parë të tij pas 54 ndeshjesh, i është afruar skajit të fushës ku e ka pritur ‘berberi’ për t’ia prerë flokët. Ky ka qenë premitimi i mesfushorit që kishte thënë se pa shënuar një gol, nuk do t’i prejë flokët.

Hull City kishte rastin të fitonte edhe Manchester Unitedin në xhiron e kaluar, por përkundër epërsisë 2-0 në fund u mposhtën 2-3. Tigrat gjinden në pozitën e 10 të tabelës, në mes të elitës angleze të futbollit.