Cardiffi shkarkon trajnerin historik

Disfata e djeshme 3-0 në shtëpi ndaj Southamptonit ka bërë që pronari i Cardiff Cityt, Vincent Tan, më në fund të shkarktojë trajnerin më të suksesshëm në histori të Cardiff Cityt, Malky Mackay. 

Më në fund, sepse për shkarkimin e tij nga detyra përflitej gjatë gjithë dhjetorit, derisa kjo ishte dëshirë vetëm e pronarit të klubit, e askush tjetër nuk dëshironte shkarkimin e tij. 

“Unë asnjëherë nuk do të jap dorëheqje nga detyra ime si trajner i Cardiff Cityt,” kishte thënë Mackay pas ndeshjes ndaj Liverpoolit, ku Cardiff u mposht 3-1 në Anfield Road. 

Mbështetje Mackayit i kishte dhënë gjithë opinioni si dhe analistët e shumtë, bashkë me qytetin dhe tifozët e ekipit - por pronari, vetëm se e vonoi vendimin e tij, pasi që mediat nuk dyshonin se ai do ta shkarkojë trajnerin e klubit. 

Tani priten protesta ndaj pronarit malajzian të Cardiffit. Mackay kishte kritikuar politikën e transfere të klubit, prej momentit që Tan kishte shkarkuar shefin e transferimeve në klub, Iain Moody, dhe kishte sjellur një familjar të tij. 

Ish sulmuesi i Manchester Unitedit, Ole Gunnar Solskjaer është favoriti i mediave angleze për të zëvendësuar Mackayin në këtë detyrë. 

Cardiff City gjindet në pozitën e 16-të të Premier League me 17 pikë.