SHKELZEN GASHI
Shkelzen Gashi, përsëri shënues
15 May, 2014 @23:21
Top golashënuesi i Superligës së Zvicrës, Shkelzen Gashi, nuk ka të ndalur.
Mesfushori ofansiv i Grasshopperit ka shënuar në fitoren 4-1 të skuadrës së tij ndaj Luzernit të Jahmir Hykës, Haxhi Nezirajt, Hekuran Kryeziut e Fidan Alitit.
Gashi e shënoi golin e tij të 19-të në këtë stinor duke kontribuar në fitoren e thellë të Grasshopperit.
Në këtë ndeshje u aktivizuan edhe Amir Abrashi si titullar dhe Imran Bunjaku si zëvendësues te Grasshopperit, derisa te Luzerni u paraqit vetëm Fidan Aliti, që u inkuadrua në lojë në minutën 81’.
Kjo ishte fitorja e 19-të e Grasshopperit, që tashmë e ka humbur garën për titull kur ka mbetur vetëm edhe një javë deri në përfundim të kampionatit, pasi Baseli i Taulant Xhakës dhe vëllezërve Ajeti me fitoren e sotme ndaj Aaraut, ka ruajtur epërsinë prej katër pikëve dhe është shpallur kampion i Superligës së Zvicrës.
