BLEDI SHKËMBI
Shkëmbi: Gjilani s’kishte presion, vështirë të luhet ndaj tyre
25 April, 2021 @17:34
Trajneri i Ballkanit, Bledi Shkëmbi, pas ndeshjes me Gjilanin ku skuadra e tij fitoi me rezultat minimal 1-0, tregoi vështirësitë që kaloi skuadra e tij gjatë ndeshjes.
“Ishte ndeshje e vështirë duke u nisur nga kundërshtari që është shumë i mirë dhe vështirë të luhet kur ekipi nuk ka presion, pasi që Gjilani gjendet në pozitë komode në tabelë. Të rëndësishme janë 3 pikët. Ndoshta kishim edhe fat në disa momente, por edhe me meritë të portierit tonë, ashtu sikur edhe portieri i Gjilanit që ishte në ditë të mirë. Këto ndeshje janë finale dhe kush do të gabojë më pak do të bëhet kampion”, tha Shkëmbi për Art Sport.
Me fitoren e sotme, Ballkani mori kryesimin në radhitjen tabelare.
