Shkëndija me rekord-fitore ndaj Vardarit

Skuadra e Tetovës, lidere e elitës së futbollit në Maqedoninë Veriore, Shkëndija, ka regjistruar sot fitoren më të thellë në histori të klubit jashtë terrenit ndaj rivalit të përbetuar, Vardarit të Shkupit.

Djelmoshat kuqezi të drejtuar nga Ernest Gjoka kanë mposhtur si mysafir Vardarin 1-6 [Mircevski 10’ - Ramadani 27’, Ibraimi 34’ pen. dhe 49’, Doriev 55’, Hebaj 68’ dhe Elezi 89’].

Në fakt, ndeshja nuk nisi mirë për tetovarët që pas vetëm 10-minutash panë veten në disavantazh.

Mirëpo, në vazhdim të ndeshjes vetëm një ekip foli në fushë dhe Shkëndija me rafal golash nuk u ndal deri në fund të duelit për t’i mposhtur thellë dhe për t’ia dhënë humbjen rekorde kundërshtarit.

TABELA AKTUALE:

1. Shkëndija 53 pikë
2. Shkupi 46 pikë
3. Makedonija GP 41 pikë...