COPA DEL REY
Shpëtimtari Benzema, thyhet rekordi i Barcelonës
12 January, 2017 @23:09
Shpëtimtari Benzema!
I inkuadruar nga banka rezervë, francezi Karim Benzema shënoi për 3-3 në fund të takimit, duke bërë kështu që Real Madridi ta thyej rekordin e Barcelonës. Reali tashmë ka 40 ndeshje radhazi pa humbje në të gjitha garat, rekord i cili në Spanjë deri sonte mbahej nga Barcelona me 39.
Me kualifikimin që veçse ishte mbyllur nga ndeshja e parë e përfunduar 3-0 në ‘Santiago Bernabeu’, goli i Benzemas ishte ‘shpëtues’ i rekordit të madrilenëve, të cilët sonte nuk u mposhtën përkundër disavantazhit 3-1.
Duhet përmendur që në këtë takim debutim ëndrrash realizoi Stefan Jovetic, i cili shënoi i inkuadruar nga banka rezervë në debutimin e tij për klubin andaluzian.
Përveç Realit, në çerekfinale janë kualifikuar edhe Barcelona, Atletico Madrid, Alaves, Celta Vigo, Eibar, Alcorcon dhe Real Sociedad.
All Goals & Highlights HD - Sevilla 3-3 Real… by arcturusmedia33
