Shqipëria siguron pikën në fund ndaj turqve

Futbollistët e Shqipërisë U21 kanë siguruar pikë në fund të ndeshjes, duke iu dhënë një dush të ftohtë turqve në minutën e 95 të ndeshjes, për përfundimtaren 2-2.

Shpresat kuqezi kanë qenë në epërsi me golin e Malokut në minutën e 49 të ndeshjes, por Muldur ka barazuar në fillim të pjesës së dytë (54’) 1-1.

E pesë minuta para fundit turqit u dukën se po merrnin 3 pikë, kur shënoi Dervisoglu (85’) 2-1.

Sidoqoftë, ka qenë Bullari që në minutën e fundit të kohës shtesë të ndeshjes shënoi për barazim (90’+5) 2-2. Bullari ishte futur në ndeshje në minutën e 85 të lojës nga selektori Alban Bushi.

Në Grupin 3 kualifikues për EURO 2021 Turqia U21 momentalisht është e para me 4 pikë, Kosova U21 është e dyta me 3 pikë, ndërsa Shqipëria U21 e treta me 2 pikë nga tre ndeshje.