Shqiptarët në Europa League

Sulmuesi nga Puka, Sebino Plaku, ka shënuar golin vendimtar për skuadrën e tij të re Slask Wroclaw sonte në kuadër të Europa League. 

Plaku ka dalë nga plani i dytë i vetmuar dhe duke pranuar topin në mesin e fushës kundërshtare është afruar në portë për ta paraboluar portierin e skudarës së famshme belge, Brugge, në fitoren prej 1-0 të Slaskut. 

Ish sulmuesi i Skënderbeut, Plaku, ka qenë në fushë për 90 minuta, ndërsa 28 vjeçari është ndëshkuar me karton të verdhë pasi që pas shënimit të golit, zhveshi fanellën duke festuar golin me skuadrën e tij. 

Xhimshiti i plotë në humbje

Berat Xhimshiti është paraqitur gjithashtu gjatë tërë ndeshjes me skuadrën e tij Zurich, në humbjen si mysafir ndaj ekipit çek Slovan Liberec 2-1. Xhimshiti është një mbrojtës i ri i cili ka fituar besimin e trajnerit të njohur Urs Meier në skuadrën e Zurichut. Ai ka pasaportë zvicerane. 

Sadiku asnjë minutë

Shqiptari me pasaportë finlandeze, Berat Sadik, në anën tjetër që luan për Thunin e Zvicrës, nuk është paraqitur për asnjë minutë në humbjen e ekipit të tij si mysafir në Suedi ndaj Hackenit, 2-1. 

Kristi Vangjeli mposht Crvena Zvezdën

Mbrojtësi i kombëtares shqiptare, Kristi Vangjeli, është futur në minutat e fundit të ndeshjes ku ekipi i tij, Chernomorets Odessa mposhti skuadrën serbe Crvena Zvezda 3-1. Vangjeli u fut në lojë në minutën e 84-të për të zëvendësuar brazilianin Anderson Santana. 

Teli dhe Agolli të padiskutueshëm 

Admir Teli dhe Ansi Agolli kanë qenë të pazëvendësueshëm për skuadrën e tyre Qarabag, që si vendas me golin e brazilianit Reynaldo në minutën e fundit të ndeshjes kanë mposhtur Geflen e Suedisë 1-0. 

Dy futbollistët e kombëtares, Teli dhe Agolli, qe sa kohë janë bazë e ekipit kazak dhe skuadra nuk paramendon se si do të mund të dukej pa dyshen kuqezinje. 

Video

Slask Wroclaw-Brugge 1-0

Goli i Sebino Plakut që çoi tërë stadiumin në këmbë. Slask Wroclaw me golin e shqiptarit mposhti ekipin e famshëm belg, Brugge.