Si debutoi Zhdrella?

Pas fitores së dytë të stinorit, Gani Sejdiu, dukej i lumtur me tre pikëshin e radhës, ndërsa pas ndeshjes ka folur edhe për debutimin e Mentor Zhdrellës, që erdhi në verë nga Prishtina te Ferronikeli. 

Sejdiu ka thënë se katër herë lojtari më i mirë në Kosovë, e ka befasuar atë me paraqitjen e tij. 

“Zhdrella më ka befasuar për të mirë sot. Ai është treguar shumë i mirë fizikisht, edhe pse nuk e prita. Unë e di se ai ende nuk e ka arritur 100%-shin e tij, por më ka befasuar me paraqitjen e tij për të mirë sot, posaçërisht fizike,” ka thënë trajneri mitrovicas i Ferronikelit, kur u pyet për debutimin e Zhdrellës pas ndeshjes nga Supersport.